انتخابات مجلس الشعب

فى قرية الرصيف عدة مرشحين لعضوية مجلس الشعب

ومع كثرة هؤلاء المرشحين سوف تسقط الاختيارات بين المرشحين
فارى انه لابد من عمل ندوة او ما شابة لترشيح عضو واحد فقط لاختيارة فى هذا المكان
لكى يفوز بكل اصوات البلد بدل من تشتت الاصوات بين افراد بلد واحد

وشكرا

يا باشا العملية عندهم مش مهم النجاح كل واحد مستنى من التانى قرشين عشان يخلع ومفيش فيهم ولا واحد أتوقع انه ينجح

للاسف يكاد يكون كلامك صحيح

تحية لكم جميعا
ونرحب بمثل هذه المناقشات الهادفة
مع مراعاة عدم التجريح
أما رأيى فى الموضوع
فهو الجميع فى البلد يعرف لعبة الانتخابات والهدف الحقيقى من وراها
والفائدة الوحيدة التى تعود عليهم هى فى فترة الدعاية الانتخابية
لأنهم بعد الانتخابات لايرون السادة الأعضاء

ياريت بلاش الكلام عن الفلوس واللى مستنيها
احنا مش فى دائرة رامى لكح وهشام طلعت واحمد عز
عاوزين انتقادات هادفة
لية منقلش ان كل واحد نفسة يعمل لدائرة ولبلده حاجة جديدة
وميعملش زى اللى قابلة ويخلع تانى يوم النتيجة
ممكن يكون نفسة يثبت ان هو كان الاحق بالنجاح وميسبناش ويهرب على مصر
ونبقى عنده مجرد أرقام على ورق
وربنا يولى من يصلح

والله يا أخ روميو ممكن اللى انت بتقولة يكون صحيح

بس ممكن تقولى على عضو نجح وعمل حاجة

نسبة بسيطة جدا جدا تكاد تكون نادرة

طيب ياريت واحد من البلد بس ينجح

ممكن يا اخ احمد نشوف دة كله لو الكل عرف اننا ايد واحدة
بالتالى اى عوض هيدخل البلد هيعمل لها الف حساب
بس منلف من ورا بعض علشان المصالح الشخصية
انا بنتخب واحد علشان يخدم بلدى مش علشان يخدمنى لوحدى
وده لازم كل البلد تفهمه علشان نقول احنا صوت واحد
ولازم ياعضو مجلس الشعب تعمل للبلد والا
الباقى تقوله صناديق الانتخابات

يا جماعة انتخابات ايه مش تستنو لما يحلو المجلس الاول وبعدين تتكلموا
ويجعله عامر
ههههههههههههههههههههههه
scratch

الاخ رامى
لو انت فاكر ان كلامك دا ممكن يكون فى يوم من الايام دا مستحيل

كل حاجة فى الدنيا دلوقتى بقت ماشية مصالح
وغير كدة اوعة تكون فاكر ان حتى لو البلد قررت انها تختار عضو يبقى الكل هيصوت للعضو دا

كل واحد له عند واحد مرشح مصلحة هينتخبة

جزاك الله خيرا

بارك الله فيك

فى انتظار جديدك

للاخوة الاعزاء اللى بتكلمو عن الانتخابات انتو بتتكلموفى حاجة وسيبين اهم حاجة اتكلمو فى امتة البلد هتقف ايد وحدة وميكنش فى انشقاق فى الاصوات الرصيف بقت خبرة فى موضوع الانشقاق فى الاصوات مفيش مرشح دخل الانتخابات على مدى السنين اللى فاتت مخدش اصوات من الرصيف فكرو ازاى تكون البلد ايد وحدة وسلمولى على الترماى

هتبقى أيد واحدة

لما الناس تلاقى

اللي يستحق انها تقف وراه

ويستحق بجد انه يمثلها ف البرلمان

ويحسسهم ان نيته خالصة لخدمتهم

و0000000000

و000000000000000

ولكم التحية

واللة دا الشىء اللى كل شاب او فرد فى البلد يتمناة يا اخ هشام ولاكن فية مجموعة متخصصة فى ازاى تقف امام مصالح كتير من البلد ويكاد الكل يعرفهم بالاسم بتمنى من اللة ان ربنا يعفينا منهم او يصلح حالهم وحال الجميع لا نملك لهم الا الدعاء

انا مبسوط عشان بقه فيه مكان لولاد البلد يعبروا فيه عن رأيهم

اتمنى يكون بالقرية ناس تقدر تسفيد فى تقديم خدمات للقرية من المرشحين لهذة الانتخابات ويسحقوا اصوات اهل الرقية صحيح

احمد عبدالقادر هليل

مع احترامى للجميع

لغاية دلوقت

مفيش ولا واحد قدر يقنعنى انه يستحق صوتى